ايک گائے اور بکری

Aik Gaye Aur Bakri

اک چراگاہ ہری بھری تھی کہيں
تھی سراپا بہار جس کی زميں

Ek Charagah Heri Bheri Thi Kahin
Thi Sarapa Bhar Jis Ki Zameen

کيا سماں اس بہار کا ہو بياں
ہر طرف صاف ندياں تھيں رواں

Kya Saman Uss Bahar Ka Ho Bayan
Her Taraf Saaf Nadiyan Thin Rawan

تھے اناروں کے بے شمار درخت
اور پيپل کے سايہ دار درخت

Thay Anaron Ke Be-Shumar Darakht
Aur Peepal Ke Sayadar Darakht

ٹھنڈی ٹھنڈی ہوائيں آتی تھيں
طائروں کی صدائيں آتی تھيں

Thandi Thandi Hawayen Aati Thin
Taeron Ki Sadaen Aati Thin

کسی ندی کے پاس اک بکری
چرتے چرتے کہيں سے آ نکلی

Kisi Nadi Ke Paas Ek Bakri
Charte Charte Kahin Se Aa Nikli

جب ٹھہر کر ادھر ادھر ديکھا
پاس اک گائے کو کھڑے پايا

Jab Theher Ker Idhar Udhar Dekha
Paas Ek Gaye Ko Khare Paya

پہلے جھک کر اسے سلام کيا
پھر سليقے سے يوں کلام کيا

Pehle Jhuk Ker Ussay Salam Kiya
Phir Salike Se Yun Kalam Kiya

کيوں بڑی بی! مزاج کيسے ہيں
گائے بولی کہ خير اچھے ہيں

Kyun Bari Bi! Mazaj Kaise Hain
Gaye Boli Ke Khair Ache Hain

کٹ رہی ہے بری بھلی اپنی
ہے مصيبت ميں زندگی اپنی

Kat Rahi Hai Buri Bhali Apni
Hai Musibat Mein Zindagi Apni

جان پر آ بنی ہے ، کيا کہيے
اپني قسمت بري ہے ، کيا کہيے

Jaan Par Aa Bani Hai, Kya Kahiye
Apni Kismat Buri Hai, Kya Kahiye

ديکھتی ہوں خدا کی شان کو ميں
رو رہی ہُوں بُروں کی جان کو ميں

Dekhti Hun Khuda Ki Shaan Ko Mein
Ro Rahi Hun Buron Ke Jaan Ko Mein

زور چلتا نہيں غريبوں کا
پيش آيا لکھا نصيبوں کا

Zor Chalta Nahin Gareebon Ka
Pesh Aaya Likha Naseebon Ka

آدمی سے کوئی بھلا نہ کرے
اس سے پالا پڑے ، خدا نہ کرے

Aadmi Se Koi Bhala Na Kare
Uss Se Pala Pare, Khuda Na Kare

دودھ کم دوں تو بُڑبُڑاتا ہے
ہوں جو دُبلی تو بيچ کھاتا ہے

Doodh Kam Dun To Barbarata Hai
Hun Jo Dubli To Bach Khata Hai

ہتھکنڈوں سے غلام کرتا ہے
کن فريبوں سے رام کرتا ہے

Hathkandon Se Ghulam Karta Hai
Kin Farebon Se Raam Karta Hai

اس کے بچوں کو پالتی ہوں ميں
دودھ سے جان ڈالتی ہوں ميں

Uss Ke Bachon Ko Palti Hun Mein
Doodh Se Jaan Dalti Hun Mein

بدلے نيکی کے يہ برائی ہے
ميرے اللہ!  تري دہائی ہے

Badle Naiki Ke Ye Burai Hai
Mere Allah! Teri Duhayi Hai

سن کے بکری يہ ماجرا سارا
بولی ، ايسا گلہ نہيں اچھا

Sun Ke Bakri Ye Majra Sara
Boli, Aesa Gila Nain Acha

بات سچی ہے بے مزا لگتی
ميں کہوں گی مگر خدا لگتی

Baat Sachi Hai Be-Maza Lagti
Mein Kahun Gi Magar Khuda Lagti

يہ چراگہ ، يہ ٹھنڈی ٹھنڈی ہوا
يہ ہری گھاس اور يہ سايا

Ye Charagah, Ye Thandi Thandi Hawa
Ye Hari Ghaas Aur Ye Saya

ايسی خوشياں ہميں نصيب کہاں
يہ کہاں ، بے زباں غريب کہاں!

Aesi Khushiyan Humain Naseeb Kahan
Ye Kahan, Be-Zuban Gareeb Kahan!

يہ مزے آدمی کے دم سے ہيں
لطف سارے اسی کے دم سے ہيں

Ye Maze Aadmi Ke Dam Se Hain
Lutf Sare Ussi Ke Dam Se Hain

اس کے دم سے ہے اپنی آبادی
قيد ہم کو بھلی ، کہ آزادی

Uss Ke Dam Se Hai Apni Aabadi
Qaid Hum Ko Bhali Ke Azadi!

سو طرح کا بنوں ميں ہے کھٹکا
واں کی گزران سے بچائے خدا

So Tarah Ka Hai Banon Mein Hai Khatka
Wan Ki Guzaran Se Bachaye Khuda

ہم پہ احسان ہے بڑا اس کا
ہم کو زيبا نہيں گلا اس کا

Hum Pe Ehsan Hai Bara Uss Ka
Hum Ko Zaiba Nahin Gila Uss Ka

قدر آرام کی اگر سمجھو
آدمی کا کبھی گلہ نہ کرو

Qadar Aaram Ki Ager Samjho
Aadmi Ka Kabhi Gila Na Karo

گائے سن کر يہ بات شرمائی
آدمی کے گلے سے پچھتائی

Gaye Sun Ker Ye Baat Shermayi
Aadmi Ke Gile Se Pachtai

دل ميں پرکھا بھلا برا اس نے
اور کچھ سوچ کر کہا اس نے
Dil Mein Perkha Bhala Bura Uss Ne
Aur Kuch Soch Ker Kaha Uss Ne

يوں تو چھوٹی ہے ذات بکری کی
دل کو لگتی ہے بات بکری کی

Yun To Chotti Hai Zaat Bakri Ki
Dil Ko Lagti Hai Baat Bakri Ki

Aik Pahar Aur Gulehri – Bang-e-Dara | Allama Iqbal Poetry | ايک پہا ڑ اور گلہری

Aik Makra Aur Makhi – Bang-e-Dara | Allama Iqbal Poetry | ايک مکڑا اور مکھی

Gul-e-Rangeen – Bang-e-Dara | Allama Iqbal Poetry | گل رنگيں