عقل و دل

Aqal-o-Dil

عقل نے ايک دن يہ دل سے کہا
بھولے بھٹکے کی رہنما ہوں ميں

Aqal Ne Aik Din Ye Dil Se Kaha
Bhoole Bhatke Ki Rahnuma Hun Main

ہوں زميں پر ، گزر فلک پہ مرا
ديکھ تو کس قدر رسا ہوں ميں

Hun Zameen Par, Guzr Falak Pe Mera
Dekh To Kis Qadar Rasa Hun Main

کام دنيا ميں رہبری ہے مرا
مثل خضر خجستہ پا ہوں ميں

Kaam Dunya Mein Rahbari Hai Mera
Misl-e-Khizr-e-Khajasta Pa Hun Main

ہوں مفسر کتاب ہستی کی
مظہر شان کبريا ہوں ميں

Hun Mufassir-e-Kitab-e-Hasti Ki
Mazhar-e-Shan-e-Kibriya Hun Main

بوند اک خون کی ہے تو ليکن
غيرت لعل بے بہا ہوں ميں

Boond Ek Khoon Ki Hai Tu Lekin
Ghairat-e-Laal-e-Be Baha Hun Main

دل نے سن کر کہا يہ سب سچ ہے
پر مجھے بھی تو ديکھ ، کيا ہوں ميں

Dil Ne Sun Kar Kaha Ye Sub Sach Hai
Par Mujhe Bhi To Dekh, Kya Hun Main

راز ہستی کو تو سمجھتی ہے
اور آنکھوں سے ديکھتا ہوں ميں

Raaz-e-Hasti Ko Ti Samajhti Hai
Aur Ankhon Se Dekhta Hun Main!

ہے تجھے واسطہ مظاہر سے
اور باطن سے آشنا ہوں ميں

Hai Tujhe Wasta Mazahir Se
Aur Batin Se Ashna Hun Main

علم تجھ سے تو معرفت مجھ سے
تو خدا جو ، خدا نما ہوں ميں

Ilm Tujh Se To Maarifat Mujh Se
Tu Khuda Joo, Khuda Numa Hun Main

علم کي انتہا ہے بے تابی
اس مرض کی مگر دوا ہوں ميں

Ilm Ki Intiha Hai Betaabi
Iss Marz Ki Magar Dawa Hun Main

شمع تو محفل صداقت کی
حسن کی بزم کا ديا ہوں ميں

Shama Tu Mehfil-e-Sadaqat Ki
Husn Ki Bazm Ka Diya Hun Main

تو زمان و مکاں سے رشتہ بپا
طائر سدرہ آشنا ہوں ميں
Tu Zaman-o-Makan Se Rishta Bapa
Taeer-e-Sidra Se Ashna Hun Main

کس بلندی پہ ہے مقام مرا
عرش رب جليل کا ہوں ميں

Kis Bulandi Pe Hai Maqam Mera
Arsh Rab-e-Jaleel Ka Hun Main

Shama-o-Parwana- Bang-e-Dara | Allama Iqbal Poetry |شمع و پروانہ

Khuftagan-e-Khak Se Istafsar- Bang-e-Dara | Allama Iqbal Poetry | خفتگان خاک سے استفسار

Parinde Ki Faryad- Bang-e-Dara | Allama Iqbal Poetry | پرندے کی فرياد