Haajiyo Aao Shahenshah Ka Roza Dekho [Urdu Naat Lyrics]

Dhoom Dekhi Hai Dare Kaaba Pe Betaabon Ki
Unke Mushtako Me Hasrat Ka Tadapna Dekho

Misle Parwana Phiri Karte The Jis Sham’a Ke Gird
Apni Uss Sham’a Ko Parwana Yaha Ka Dekho

Khoob Aankhon Se Lagaaya He Gilaafe Kaaba
Qasre Mehboob Ke Parde Ka Bhi Jalwa Dekho

Waa’n Mutiy’on Ka Jigar Khauf Se Pani Paaya
Yaa’n Siyahkaaron Ka Daaman Pe Machalna Dekho

Awwalin Khana E Haq Ki To Ziyaye Dekhi
Aakhri Bait E Nabi Ka Bhi Tajalla Dekho

Ayman-E-Tur Ka Tha Rukne Yamani Me Farog
Shola E Tur Yaha Anjuman-Aara Dekho

Mehre Madar Ka Maza Deti Hai Aagosh E Hateem
Jin Pe Maa Baap Fida Yaa’n Karam Unka Dekho

Arz E Haajat Me Raha Ka’aba Kafeel E Injaah
Aao Ab Daad-Rasi E Shahe Taibah Dekho

Dho Chuka Zulmate Dil Bosaa-E Sunge Aswad
Khaak Bosi-E-Madina Ka Bhi Rutbaa Dekho

Kar Chuki Rif’ate Kaaba Pe Nazar Par-Vaze
Topi Ab Thaam Ke Khaaq E Dar E Wala Dekho

Be-Niyazi Se Waha Kaapti Payi Ta’at
Joshe Rehmat Pe Yaha Naaz Gunah Ka Dekho

Multazim Se To Gale Lag Ke Nikale Armaan
Adab O Shouq Ka Yaha Baham Ulajhna Dekho

Khoob Mas’a Me B-Ummide Safa Daud Liye
Rahe Janan Ki Safaka Bhi Tamasha Dekho

Raqs E Bismil Ki Bahaare To Meena Me Dekhi
Dil E Khu-Naaba Fisha Ka Bhi Tadapna Dekho