ايک پرندہ اور جگنو

Aik Parinda Aur Jugnoo

سر شام ايک مرغ نغمہ پيرا
کسی ٹہنی پہ بيٹھا گا رہا تھا

Sar-e-Shaam Aik Murhg-e-Naghma Paira
Kisi Tehni Pe Baitha Ga Raha Tha

چمکتی چيز اک ديکھی زميں پر
اڑا طائر اسے جگنو سمجھ کر

Chamakti Cheez Ek Dekhi Zameen Par
Urha Taeer Usse Jugnu Samajh Kar

کہا جگنو نے او مرغ نواريز!
نہ کر بے کس پہ منقار ہوس تيز

Kaha Jugnu Ne O Murgh-e-Nawa Raiz!
Na Kar Bekas Pe Manqar-e-Hawas Taiz

تجھے جس نے چہک ، گل کو مہک دی
اسی اللہ نے مجھ کو چمک دی

Tujhe Jis Ne Chehak, Gul Ko Mehak Di
Ussi Allah Ne Mujh Ko Chamak Di

لباس نور ميں مستور ہوں ميں
پتنگوں کے جہاں کا طور ہوں ميں

Libas-e-Noor Mein Mastoor Hun Main
Patangon Ke Jahan Ka Toor Hun Main

چہک تيری بہشت گوش اگر ہے
چمک ميری بھی فردوس نظر ہے

Chehak Teri Behisht-e-Gosh Agar Hai
Chamak Meri Bhi Firdous-e-Nazar Hai

پروں کو ميرے قدرت نے ضيا دی
تجھے اس نے صدائے دل ربا دی

Paron Ko Meri Qudat Ne Zia Di
Tujhe Uss Ne Sadaye Dil Ruba Di

تری منقار کو گانا سکھايا
مجھے گلزار کی مشعل بنايا

Teri Manqar Kogana Sikhaya
Mujhe Gulzar Ki Mashal Banaya

چمک بخشی مجھے، آواز تجھ کو
ديا ہے سوز مجھ کو، ساز تجھ کو

Chamak Bakhsi Mujhe, Awaz Tujh Ko
Diya Hai Souz Mujh Ko, Saaz Tujh Ko

مخالف ساز کا ہوتا نہيں سوز
جہاں ميں ساز کا ہے ہم نشيں سوز

Mukhalif Saaz Ka Hota Nahin Souz
Jahan Mein Saaz Ka Hai Hum Nasheen Souz

قيام بزم ہستی ہے انھی سے
ظہور اوج و پستی ہے انھی سے

Qayam-e-Bazm-e-Hasti Hai Inhi Se
Zahoor-e-Auj-o-Pasti Hai Inhi Se

ہم آہنگی سے ہے محفل جہاں کی
اسی سے ہے بہار اس بوستاں کی

Hum Aahangi Se Hai Mehfil Jahan Ki
Iss Se Hai Bahar Iss Bostan Ki

Abar – Bang-e-Dara | Allama Iqbal Poetry | ابر

Dagh – Bang-e-Dara | Allama Iqbal Poetry | داغ

Naya Shiwala – Bang-e-Dara | Allama Iqbal Poetry | نيا شوالا