ايک شام

Aik Shaam

خاموش ہے چاندنی قَمَر کی
شاخيں ہيں خَموش ہر شجر کی

Khamosh Hai Chandani Qamar Ki
Shakhain Hain Khamosh Har Shajar Ki

وادی کے نوا فَروش خاموش
کُہسار کے سبز پوش خاموش

Wadi Ke Nawa Farosh Khamosh
Kuhsar Ke Sabz Posh Khamosh

فِطرَت بے ہوش ہو گئی ہے
آغوش ميں شب کے سو گئی ہے

Fitrat Be-Hosh Ho Gyi Hai
Aghosh Mein Shab Ke So Gyi Hai

کچھ ايسا سَکوت کا فُسوں ہے
نيکر کا خِرام بھی سکُوں ہے

Kuch Aesa Sukoot Ka Fasoon Hai
Naikar Ka Kharaam Bhi Sukoon Hai

تاروں کا خموش کارواں ہے
يہ قافلہ بے درا رواں ہے

Taron Ka Khamosh Karwan Hai
Ye Qafla Be-Dra Rawan Hai

خاموش ہيں کوہ و دشت و دريا
قُدرت ہے مُراقبے ميں گويا

Khamosh Hain Koh-o-Dasht-o-Darya
Qudrat Hai Muraqbe Mein Goya

اے دل! تو بھی خموش ہو جا
آغوش ميں غم کو لے کے سو جا

Ae Dil! Tu Bhi Khamosh Ho Ja
Aghosh Mein Gam Ko Le Ke So Ja

Aik Shaam- Bang-e-Dara | Allama Iqbal Poetry | ايک شام