Ye Dair-E-Kuhan Kya Hai, Anbaar-E-Khas-O-Khashaak – Iqbal

Ye Dair-E-Kuhan Kya Hai, Anbaar-E-Khas-O-Khashaak

Allama Iqbal Poetry | Bal-e-Jibril

Ye Dair-E-Kuhan Kya Hai, Anbaar-E-Khas-O-Khashaak
Mushkil Hai Guzar Iss Mein Be-Nala’ay Atishnaak

يہ دير کہن کيا ہے ، انبار خس و خاشاک
مشکل ہے گزر اس ميں بے نالہ آتش ناک

Nakhcheer-E-Mohabbat Ka Qissa Nahin Toolani
Lutf-E-Khalish-E-Paikan, Asoodgi-E-Fatraak

نخچير محبت کا قصہ نہيں طولانی
لطف خلش پيکاں ، آسودگی فتراک

Khoya Kya Jo ‘Matlab Haftad Wa Do’-O-Millat Mein
Samjhe Ga Na Tu Jab Taak Be Rang Na Ho Adraak

کھويا گيا جو مطلب ہفتاد و دو ملت ميں
سمجھے گا نہ تو جب تک بے رنگ نہ ہو ادراک

Ek Sharaa-E-Musalmani, Ek Jazb-E-Musalmani
Hai Jazb-E-Musalani Sirr-E-Falak-Ul-Aflaak

اک شرع مسلمانی ، اک جذب مسلمانی
ہے جذب مسلمانی سر فلک الافلاک

Ae Rahro-E-Farzana! Be Jazb-E-Musalmani
Ne Rah-E-Amal Paida Ne Shakh-E-Yaqeen Namnaak

اے رہرو فرزانہ ، بے جذب مسلمانی
نے راہ عمل پيدا نے شاخ يقيں نم ناک

Ramzain Hain Mohabat Ki Gustakhi-O-Bebaki
Har Shauq Nahin Gustakh, Har Jazb Nahin Bebaak

رمزيں ہيں محبت کی گستاخی و بے باکی
ہر شوق نہيں گستاخ ، ہر جذب نہيں بے باک

Farig To Na Baithe Ga Mehshar Mein Junoon Mera
Ya Apna Grebaan Chaak Ya Daman-E-Yazdaan Chaak!

فارغ تو نہ بيٹھے گا محشر ميں جنوں ميرا
يا اپنا گريباں چاک يا دامن يزداں چاک

• Zmastani Hawa Mein Garcha Thi Shamsheer Ki Taizi – Iqbal
• Mir-e-Sipah Na Saza, Lashkariyan Shakista Saf – Allama Iqbal
• Ye Hooriyan-E-Farangi, Dil-O-Nazar Ka Hijab – Allama Iqbal Poetry