کوشش ناتمام

Kosish-e-Natamam

فرقت آفتاب ميں کھاتی ہے پيچ و تاب صبح
چشم شفق ہے خوں فشاں اختر شام کے ليے

Furqat-e-Aftab Mein Khati Hai Paich-o-Taab Subha
Chasm-e-Shafaq Hai Khoon Fashan Akhtar-e-Shaam Ke Liye

رہتی ہے قيس روز کو ليلی شام کی ہوس
اختر صبح مضطرب تاب دوام کے ليے

Rehti Hai Qais-e-Roz Ko Laila-e-Sham Ki Hawas
Akhtar-e-Subah Muztarib Taab-e-Dawam Ke Liye

کہتا تھا قطب آسماں قافلہ نجوم سے
ہمرہو ، ميں ترس گيا لطف خرام کے ليے

Kehta Tha Qutb-e-Asman Qafla-e-Najoom Se
Humraho, Main Taras Gya Lutf-e-Kharaam Ke Liye

سوتوں کو نديوں کا شوق ، بحر کا نديوں کو عشق
موجۂ بحر کو تپش ماہ تمام کے ليے

Soton Ko Naddiyon Ka Shauq, Behar Ka Naddiyon Ko Ishq
Moja-e-Behar Ko Tapish Mah-e-Tamam Ke Liye

حسن ازل کہ پردۂ لالہ و گل ميں ہے نہاں
کہتے ہيں بے قرار ہے جلوۂ عام کے ليے

Husn-e-Azal Ke Parda-e-Lala-o-Gul Mein Hai Nihan
Kehte Hain Be-Qarar Hai Jalwa-e-Aam Ke Liye

راز حيات پو چھ لے خضر خجستہ گام سے
زندہ ہر ايک چيز ہے کوشش ناتمام سے

Raaz-e-Hayat Puch Le Khizr-e-Khajasta Gaam Se
Zinda Har Aik Cheez Hai Kosish-e-Natamam Se

Ashiq-e-Harjai- Bang-e-Dara | Allama Iqbal Poetry | عاشق ہرجائی

Sulaima- Bang-e-Dara | Allama Iqbal Poetry | سليمی

Wisal- Bang-e-Dara | Allama Iqbal Poetry | وصال