بلال رضی اللہ عنہ

Bilal (R.A.)

لکھا ہے ايک مغربی حق شناس نے
اہل قلم ميں جس کا بہت احترام تھا

Likha Hai Aik Maghrabi Haq Shanas Ne
Ahl-e-Qalam Mein Jis Ka Bohat Ehtram Tha

جَولاں گہِ سکندرِ رومی تھا  ايشيا
گَردوں سے بھی بلند تر اس کا مقام تھا

Joulan Gah-e-Sikandar-e-Rumi Tha Asia
Gardoon Se Bhi Buland Tar Uss Ka Maqam Tha

تاريخ کہہ رہی ہے کہ رومی کے سامنے
دعویٰ  کيا جو پورس  و  دارا  نے، خام تھا

Tareekh Keh Rahi Hai Ke Rumi Ke Samne
Dawa Kiya Jo Poras-o-Dara Ne, Khaam Tha

دنيا کے اس شہنشہِ  انجم  سِپاہ کو
حيرت سے ديکھتا فلکِ  نيل فام تھا

Dunya Ke Uss Shahenshah-o-Anjum Sipah Ko
Hairat Se Dekhta Falak-e-Neel Faam Tha

آج ايشيا ميں اس کو کوئی جانتا نہيں
تاريخ دان بھی اسے پہچانتا نہيں

Aaj Asia Mein Uss Ko Koi Janta Nahin
Tareekh Daan Bhi Use Pehchanta Nahin

ليکن بلال،  وہ حبشی زادۂِ  حقير
فطرت تھی جس کی نورِ نبوت سے مُستَنيِر

Lekin Bilal (R.A.), Woh Habshi Zada Haqeer
Fitrat Thi Jis Ki Noor-e-Nabuwwat Se Mustaneer

جس کا اميں ازل سے ہوا  سينۂ  بلال
مَحکُوم اس صدا کے ہيں  شاہنشہ  و  فقير

Jis Ka Amen Azal Se Huwa Seena-e-Bilal (R.A.)
Mehkoom Uss Sada Ke Hain Shahanshah-o-Faqeer

ہوتا ہے جس سے اسود و احمر ميں اختلاط
کرتی ہے جو غريب کو ہم پہلوئے امير

Hota Hai Jis Se Aswad-o-Ahmar Mein Ikhtilaat
Karti Hai Jo Ghareeb Ko Hum Pehlu-e-Ameer

ہے تازہ آج  تک وہ نوائے جگر گُداز
صديوں سے سن رہا ہے جسے گوش ِچرخ ِ پير

Hai Taza Aaj Tak Woh Nawa-e-Jigar Gudaz
Sadiyon Se Sun Raha Hai Jise Gosh-e-Charakh-e-Peer

اقبال! کس کے عشق کا يہ فيض ِعام ہے
رومی فنا ہوا ، حبشی کو دوام ہے

Iqbal ! Kis Ke Ishq Ka Ye Faiz-e-Aam Hai
Rumi Fana Huwa, Habshi Ko Dawam Hai

Kufr-o-Islam- Bang-e-Dara | Allama Iqbal Poetry | کفر واسلام

Nanak- Bang-e-Dara | Allama Iqbal Poetry | نانک

Aik Khat Ke Jawan Mein- Bang-e-Dara | Allama Iqbal Poetry | ايک خط کےجواب ميں