آئے جو قراں ميں دو ستارے
کہنے لگا ايک ، دوسرے سے

Aye Jo Qiran Mein Do Sitare
Kehne Laga Aik, Dusre Se

يہ وصل مدام ہو تو کيا خوب
انجام خرام ہو تو کيا خوب

Ye Wasl Madaam Ho To Kya Khoob
Anjaam-e-Kharaam Ho To Kya Khoob

تھوڑا سا جو مہرباں فلک ہو
ہم دونوں کی ايک ہی چمک ہو

Thora Sa Jo Mehrban Falak Ho
Hum Dono Ki Aik Hi Chamak Ho

ليکن يہ وصال کی تمنا
پيغام فراق تھی سراپا

Lekin Ye Visal Ki Tamanna
Pegham-e-Faraaq Thi Sarapa

گردش تاروں کا ہے مقدر
ہر ايک کی راہ ہے مقرر

Gardish Taron Ka Hai Muqaddar
Har Aik Ki Rah Hai Muqarrar

ہے خواب ثبات آشنائی
آئين جہاں کا ہے جدائی

Hai Khawab Sabat-e-Ashnayi
Aaeen Jahan Ka Hai Judai