شمع اور شاعر

Shama Aur Shayar

شاعر

Shayar

دوش می گفتم بہ شمع منزل ويران خويش
گيسوے تو از پر پروانہ دارد شانہ اے

Dosh Mee Gutam Ba Shama-e-Manzil-e-Weeran-e-Khowesh
Gaisuay Tu Azpar-e-Parwana Dar Dashana Ae

درجہاں مثل چراغ لالہ صحراستم
نے نصيب محفلے نے قسمت کاشانہ اے

Dar Jahan Misl-e-Charagh-e-Lala-e-Sehrastam
Ne Naseeb-e-Mehfile, Ne Qismat-e-Kashana Ae

مدتے مانند تو من ہم نفس می سوختم
در طواف شعلہ ام بالے نہ زد پروانہ اے

Madd Te Manind-e-Tou Man Hum Nafas Mee Soukhtam
Dar Tawaf-e-Shaula Am Baale Na Zad Parwana Ae

می تپد صد جلوہ در جان امل فرسودمن
بر نمی خيزد ازيں محفل دل ديوانہ اے

Mee Tapad Sad Jalwa-e-Dar Jaan-e-Amal Far Sood-e-Mann
Bar Namee Khaizd Azeen Mehfil Dil-e-Diwana Ae

از کجا ايں آتش عالم فروز اندوختی
کرمک بے مايہ را سوز کليم آموختی

Az Kuja Aen Aatish-e-Alam Faroz Andokhti
Kirmak-e-Be Maya Ra Souz-e-Kaleem Amoskhti

شمع

Shama

مجھ کو جو موج نفس ديتی ہے پيغام اجل
لب اسی موج نفس سے ہے نوا پيرا ترا

Mujh Ko Mouj-e-Nafas Deti Hai Paigham-e-Ajal
Lab Issi Mouj-e-Nafas Se Hai Nawa Paira Tera

ميں تو جلتی ہوں کہ ہے مضمر مری فطرت ميں سوز
تو فروزاں ہے کہ پروانوں کو ہو سودا ترا

Mein To Jalti Hun Ke Hai Muzmir Meri Fitrat Mein Souz
Tu Firouzan Hai Ke Parwanon Ko Ho Soda Tera

گريہ ساماں ميں کہ ميرے دل ميں ہے طوفان اشک
شبنم افشاں تو کہ بزم گل ميں ہو چرچا ترا

Girya Saman Main Ke Mere Dil Mein Hai Toofan-e-Ashak
Shabnam Afshan Tu Ke Bazm-e-Gul Mein Ho Charcha Tera

گل بہ دامن ہے مری شب کے لہو سے ميری صبح
ہے ترے امروز سے نا آشنا فردا ترا

Gul Ba Daman Hai Meri Shab Ke Lahoo Se Meri Subah
Hai Tere Amroz Se Na-Ashna Farda Tera

يوں تو روشن ہے مگر سوز دروں رکھتا نہيں
شعلہ ہے مثل چراغ لالۂ صحرا ترا

Yun To Roshan Hai Magar Souz-e-Darun Rakhta Nahin
Shaola  Hai Misl-e-Charagh-e-Lala-e-Sehra Tera

سوچ تو دل ميں ، لقب ساقی کا ہے زيبا تجھے؟
!انجمن پياسی ہے اور پيمانہ بے صہبا ترا

Soch To Dil Mein, Laqab Saqi Ka Hai Zaiba Tujhe?
Anjuman Pyasi Hai Aur Pemana Be-Sehba Tera!

اور ہے تيرا شعار ، آئين ملت اور ہے
زشت روئی سے تری آئينہ ہے رسوا ترا

Aur Hai Tera Shua’ar, Aaeene-e-Millat Aur Hai
Zisht Ruyi Se Teri Aaeena Hai Ruswa Tera

کعبہ پہلو ميں ہے اور سودائی بت خانہ ہے
کس قدر شوريدہ سر ہے شوق بے پروا ترا

Kaaba Pehlu Mein Hai Aur Soudai-e-Butkhana Hai
Kis Qadar Shourida Sar Hai Shauq-e-Be-Parwa Tera

قيس پيدا ہوں تری محفل ميں يہ ممکن نہيں
تنگ ہے صحرا ترا ، محمل ہے بے ليلا ترا

Qais Paida Hon Teri Mehfil Mein, Ye Mumkin Nahin
Tang Hai Sehra Tera, Mehmil Hai Be-Laila Tera

!اے در تابندہ ، اے پروردۂ آغوش موج
لذت طوفاں سے ہے نا آشنا دريا ترا

Ae Dur-e-Tabinda, Ae Parwardah-e-Aghosh-e-Mouj!
Lazzat-e-Toofan Se Hai Na-Ashna Darya Tera

اب نوا پيرا ہے کيا ، گلشن ہوا برہم ترا
بے محل تيرا ترنم ، نغمہ بے موسم ترا

Ab Nawa Paira Hai Kya, Gulshan Huwa Barham Tera
Be-Mehel Tera Taranum, Naghma Be-Mousam Tera

تھا جنھيں ذوق تماشا ، وہ تو رخصت ہو گئے
لے کے اب تو وعدہ ديدار عام آيا تو کيا

Tha Jinhain Zauq-e-Tamasha, Woh To Rukhsat Ho Gye
Le Ke Ab Tu Wada-e-Didar-e-Aam Aya To Kya

انجمن سے وہ پرانے شعلہ آشام اٹھ گئے
ساقيا! محفل ميں تو آتش بجام آيا تو کيا

Anjuman Se Woh Purane Shaola Aasham Uth Gye
Saqiya! Mehfil Mein Tu Aatish Bajaam Aaya To Kya

آہ ، جب گلشن کی جمعيت پريشاں ہو چکی
پھول کو باد بہاری کا پيام آيا تو کيا

Aah, Jab Gulshan Ki Jamiat Preshan Ho Chukki
Phool Ko Baad-e-Bahari Ka Payam Aya To Kya

آخر شب ديد کے قابل تھی بسمل کی تڑپ
صبحدم کوئی اگر بالائے بام آيا تو کيا

Akhir-e-Shab Deeb Ke Qabil Thi Bismil Ki Tarap
Subahdam Koi Agar Balaye Baam Aya To Kya

بجھ گيا وہ شعلہ جو مقصود ہر پروانہ تھا
اب کوئی سودائی سوز تمام آيا تو کيا

Bujh Gya Woh Shaola Jo Maqsood-e-Har Parwana Tha
Ab Koi Soudai-e-Souz-e-Tamam Aya To Kya

پھول بے پروا ہيں ، تو گرم نوا ہو يا نہ ہو
کارواں بے حس ہے ، آواز درا ہو يا نہ ہو

Phool Be-Parwa Hain, Tu Garam-e-Nawa Ho Ya Na Ho
Karwan Be-Hiss Hai, Awaz-e-Dra Ho Ya Na Ho

شمع محفل ہو کے تو جب سوز سے خالی رہا
تيرے پروانے بھی اس لذت سے بيگانے رہے

Shama-e-Mehfil Ho Ke Tu Jab Souz Se Khali Raha
Tere Parwane Bhi Iss Lazzat Se Baigane Rahe

رشتہ الفت ميں جب ان کو پرو سکتا تھا تو
پھر پريشاں کيوں تری تسبيح کے دانے رہے

Rishta-e-Ulfat Mein Jab In Ko Pero Sakta Tha Tu
Phir Preshan Kyun Teri Tasbeeh Ke Dane Rahe

شوق بے پروا گيا ، فکر فلک پيما گيا
تيری محفل ميں نہ ديوانے نہ فرزانے رہے

Shauq-e-Beparwa Gya, Fikr-e-Falak Pema Gya
Teri Mehfil Main Na Diwane Na Farzane Rahe

وہ جگر سوزی نہيں ، وہ شعلہ آشامی نہيں
فائدہ پھر کيا جو گرد شمع پروانے رہے

Woh Jigar Souzi Nahin, Wo Shaola Ashaami Nahin
Faida Phir Kya Jo Gird-e-Shama Parwane Rahe

خير ، تو ساقی سہی ليکن پلائے گا کسے
اب نہ وہ مے کش رہے باقی نہ مے خانے رہے

Khair, Tu Saqi Sahi Lekin Pilaye Ga Kise
Ab Na Woh Mai-Kash Rahe Baqi Na Maikhane Rahe

رو رہی ہے آج اک ٹوٹی ہوئی مينا اسے
کل تلک گردش ميں جس ساقی کے پيمانے رہے

Ro Rahi Hai Aaj Ek Tooti Huwi Meena Usse
Kal Talak Gardish Mein Jis Saqi Ke Paimane Rahe

آج ہيں خاموش وہ دشت جنوں پرور جہاں
رقص ميں ليلی رہی ، ليلی کے ديوانے رہے

Aaj Hain Khamosh Woh Dasht-e-Junoon Parwar Jahan
Raqs Mein Laila Rahi, Laila Ke Diwane Rahe

وائے ناکامی! متاع کارواں جاتا رہا
کارواں کے دل سے احساس زياں جاتا رہا

Waye Nakami! Mataa-e-Karwan Jata Raha
Karwan Ke Dil Se Ehsas-e-Ziyan Jata Raha

جن کے ہنگاموں سے تھے آباد ويرانے کبھی
شہر ان کے مٹ گئے آبادياں بن ہو گئيں

Jin Ke Hangamon Se The Aabad Weerane Kabhi
Sheher Un Ke Mit Gaye Abadiyan Ban Ho Gaeen

سطوت توحيد قائم جن نمازوں سے ہوئی
وہ نمازيں ہند ميں نذر برہمن ہو گئيں

Siwat-e-Touheed Qayam Jin Namazon Se Huwi
Woh Namazain Hund Mein Nazar-e-Barhman Ho Gaeen

دہر ميں عيش دوام آئيں کی پابندی سے ہے
موج کو آزادياں سامان شيون ہو گئيں

Dehr Mein Aysh-e-Dawam Aaeen Ki Pabandi Se Ha
Mouj Ko Azadiyan Saman-e-Shewan Ho Gaeen

خود تجلی کو تمنا جن کے نظاروں کی تھی
وہ نگاہيں نا اميد نور ايمن ہوگئيں

Khud Tajalli Ko Tamanna Jin Ke Nazaron Ki Thi
Woh Nigahain Na-Umeed-e-Noor-e-Ayman Ho Gayen

اڑتی پھرتی تھيں ہزاروں بلبليں گلزار ميں
دل ميں کيا آئی کہ پابند نشيمن ہو گئيں

Urti Phirti Theen Hazaron Bulbulain Gulzar Mein
Dil Mein Kya Ayi Ke Paband-e-Nasheman Ho Gaeen

وسعت گردوں ميں تھی ان کی تڑپ نظارہ سوز
بجلياں آسودۂ دامان خرمن ہوگئيں

Wusaat-e-Gardoon Mein Thi Un Ki Tarap Nazara Souz
Bijliyan Aasuda-e-Damaan-e-Khirman Ho Gaeen

ديدہء خونبار ہو منت کش گلزار کيوں
اشک پيہم سے نگاہيں گل بہ دامن ہو گئيں

Didah-e-Khunbar Ho Minnat Kash-e-Gulzar Kyun
Ashak-e-Peham Se Nigahain Gul Ba Daman Ho Gaeen

شام غم ليکن خبر ديتی ہے صبح عيد کی
ظلمت شب ميں نظر آئی کرن اميد کی

Sham-e-Gham Lekin Khabar Detai Hai Subah-e-Eid Ki
Zulmat-e-Shab Mein Nazar Ayi Kiran Umeed Ki

!مژدہ اے پيمانہ بردار خمستان حجاز
بعد مدت کے ترے رندوں کو پھر آيا ہے ہوش

Muzda Ae Paimana Bardaar-e-Khumistan-e-Hijaz!
Baad Muddat Ke Tere Rindon Ko Phir Aaya Hai Hosh

نقد خودداری بہائے بادۂ اغيار تھی
پھر دکاں تيری ہے لبريز صدائے نائو نوش

Naqad-e-Khuddari Bahaye Badah-e-Aghyar Thi
Phir Dukan Teri Hai Labraiz-e-Sadaye Nau Nosh

ٹوٹنے کو ہے طلسم ماہ سيمايان ہند
پھر سليمی کی نظر ديتی ہے پيغام خروش

Tootne Ko Hai Talism-e-Mah Seemayaan-e-Hind
Phir Sulema Ko Nazar Deti Hai Pegham-e-Kharosh

پھر يہ غوغا ہے کہ لاساقی شراب خانہ ساز
دل کے ہنگامے مۓ مغرب نے کر ڈالے خموش

Phir Ye Ghogha Hai Ke La Saqi Sharab-e-Khana Saaz
Dil Ke Hangame Mai-e-Maghrib Ne Kar Dale Khamosh

نغمہ پيرا ہو کہ يہ ہنگام خاموشی نہيں
ہے سحر کا آسماں خورشيد سے مينا بدوش

Naghma Paira Ho Ke Ye Hangam-e-Khamoshi Nahin
Hai Sehar Ka Asman Khursheed Se Meena Badosh

در غم ديگر بسوز و ديگراں را ہم بسوز
!گفتمت روشن حديثے گر توانی دار گوش

Dar Gham-e-Deegar Basouz-o-Deegran Rahum Basouz
Guftmat Roshan Hadisay Gar Touwani Daar Gosh!

کہہ گئے ہيں شاعری جزو يست از پيغمبی
ہاں سنا دے محفل ملت کو پيغام سروش

Keh Gye Hain Shayari Juzweest Az Peghambari
Haan Suna De Mehfil-e-Millat Ko Pegham-e-Sarosh

آنکھ کو بيدار کر دے وعدہ ديدار سے
زندہ کر دے دل کو سوز جوہر گفتار سے

Ankh Ko Baidar Kar De Wadaa-e-Deedar Se
Zinda Kar De Dil Ko Souz-e-Jouhar-e-Guftar Se

رہزن ہمت ہوا ذوق تن آسانی ترا
بحر تھا صحرا ميں تو ، گلشن ميں مثل جو ہوا

Rahzan-e-Himmat Huwa Zauq-e-Tan Asani Tera
Beher Tha Sehra Mein Tu, Gulshan Mein Misl-e-Joo Huwa

اپنی اصليت پہ قائم تھا تو جمعيت بھی تھی
چھوڑ کر گل کو پريشاں کاروان بو ہوا

Apni Asliyat Pe Qayam Tha To Jamiat Bhi Thi
Chor Kar Gul Ko Preshan Karwaan-e-Boo Huwa

زندگی قطرے کی سکھلاتی ہے اسرار حيات
يہ کبھی گوہر ، کبھی شبنم ، کبھی آنسو ہوا

Zindagi Qatre Ki Sikhlati Hai Asrar-e-Hayat
Ye Kabhi Gohar, Kabhi Ansu Huwa

پھر کہيں سے اس کو پيدا کر ، بڑی دولت ہے يہ
زندگی کيسی جو دل بيگانۂ پہلو ہوا

Phir Kahin Se Iss Ko Paida Kar, Bari Doulat Hai Ye
Zindagi Kaisi Jo Dil Begana-e-Pehlu Huwa

فرد قائم ربط ملت سے ہے ، تنہا کچھ نہيں
موج ہے دريا ميں اور بيرون دريا کچھ نہيں

Aabru Baqi Teri Millat Ki Jamiat Se Thi
Jab Ye Jamiat Gyi, Dunya Mein Ruswa Tu Huwa

پردہ دل ميں محبت کو ابھی مستور رکھ
آبر باقی تری ملت کی جميعت ہے تھی

Fard Qayam Rabt-e-Millat Se Hai, Tanha Kuch Nahin
Mouj Hai Darya Mein Aur Bairun-e-Darya Kuch Nahin

جب يہ جميعت گئی ، دنيا ميں رسوا تو ہوا
يعنی اپنی مے کو رسوا صورت مينا نہ کر

Parda-e-Dil Mein Mohabbat Ko Abhi Mastoor Rakh
Yani Apni Mai Ko Ruswa Soorat-e-Meena Na Kar

خيمہ زن ہو وادی سينا ميں مانند کليم
شعلہ تحقيق کو غارت گر کاشانہ کر

Khema-Zan Ho Wadi-e-Seena Mein Manind-e-Kaleem
Shaola-e-Tehqeeq Ko Gharatgar-e-Kashana Kar

شمع کو بھی ہو ذرا معلوم انجام ستم
صرف تعمير سحر خاکستر پروانہ کر

Shama Ko Bhi Ho Zara Maloom Anjam-e-Sitam
Sarf-e-Tameer-e-Sehar Khakstar-e-Parwana Kar

تو اگر خود دار ہے ، منت کش ساقی نہ ہو
عين دريا ميں حباب آسا نگوں پيمانہ کر

Tu Agar Khuddar Hai, Minnat Kash-e-Saqi Na Ho
Ayn Darya Mein Habab Aasa Nigoon Pema Na Kar

کيفيت باقی پرانے کوہ و صحرا ميں نہيں
ہے جنوں تيرا نيا، پيدا نيا ويرانہ کر

Kaifiat Baqi Purane Koh-o-Sehra Mein Nahin
Hai Junoon Tera Naya, Paida Naya Weerana Kar

خاک ميں تجھ کو مقدر نے ملايا ہے اگر
تو عصا افتاد سے پيدا مثال دانہ کر

Khak Mein Tujh Ko Muqaddar Ne Milya Hai Agar
To Asa Uftaad Se Paida Misal-e-Dana Kar

ہاں ، اسی شاخ کہن پر پھر بنا لے آشياں
اہل گلشن کو شہيد نغمہ مستانہ کر

Haan, Issi Shakh-e-Kuhan Par Phir Bana Le Ashiyan
Ahl-e-Gulshan Ko Shaheed-e-Naghma-e-Mastana Kar

اس چمن ميں پيرو بلبل ہو يا تلميذ گل
يا سراپا نالہ بن جا يا نوا پيدا نہ کر

Iss Chaman Mein Pairwe Bulbul Ho Ya Talmeez-e-Gul
Ya Sarapa Nala Ban Ja Ya Nawa Paida Na Kar

کيوں چمن ميں بے صدا مثل رم شبنم ہے تو
لب کشا ہو جا ، سرود بربط عالم ہے تو

Kyun Chaman Mein Be-Sada Misl-e-Ram-e-Shabnam Hai Tu
Lab Kusha Ho Ja, Surood-e-Barbat-e-Alam Hai Tu

آشنا اپنی حقيقت سے ہو اے دہقاں ذرا
دانہ تو ، کھيتی بھی تو ، باراں بھی تو ، حاصل بھی تو

Ashna Apni Haqiqat Se Ho Ae Dehqan Zara
Dana Tu, Khaiti Bhi Tu, Baran Bhi Tu, Hasil Bhi Tu

آہ ، کس کی جستجو آوارہ رکھتی ہے تجھے
راہ تو ، رہرو بھی تو، رہبر بھی تو ، منزل بھی تو

Aah, Kis Ki Justujoo Aawara Rakhti Hai Tujhe
Rah Tu, Rahru Bhi Tu, Rahbar Bhi Tu, Manzil Bhi Tu

کانپتا ہے دل ترا انديشۂ طوفاں سے کيا
ناخدا تو ، بحر تو ، کشتی بھی تو ، ساحل بھی تو

Kanpta Hai Dil Tera Andesha-e-Toofan Se Kya
Na-Khuda Tu, Beher Tu, Kashti Bhi Tu, Sahil Bhi Tu

ديکھ آ کر کوچۂ چاک گريباں ميں کبھی
قيس تو، ليلی بھی تو ، صحرا بھی تو، محمل بھی تو

Dekh Aa Kar Kaucha-e-Chaak-e-Greban Mein Kabhi
Qais Tu, Laila Bhi Tu, Sehra Bhi Tu, Mehmil Bhi Tu

وائے نادانی کہ تو محتاج ساقی ہو گيا
مے بھی تو، مينا بھی تو، ساقی بھی تو، محفل بھی تو

Waye Nadani Ke Tu Mouhtaj-e-Saqi Ho Gya
Mai Bhi Tu, Meena Bhi Tu, Saqi Bhi Tu, Mehfil Bhi Tu

شعلہ بن کر پھونک دے خاشاک غير اللہ کو
خوف باطل کيا کہ ہے غارت گر باطل بھی تو

Shaola Ban Kar Phoonk De Khashak-e-Ghair Allah Ko
Khof-e-Batil Kya Ke Hai Gharatgar-e-Batil Bhi Tu

بے خبر! تو جوہر آئينۂ ايام ہے
تو زمانے ميں خدا کا آخری پيغام ہے

Be-Khabar! Tu Jouhar-e-Aaeena-e-Ayyam Hai
Tu Zamane Mein Khuda Ka Akhri Pegham Hai

اپنی اصليت سے ہو آگاہ اے غافل کہ تو
قطرہ ہے ، ليکن مثال بحر بے پاياں بھی ہے

Apni Asliyat Se Ho Agah Ae Ghafil Ke Tu
Qatra Hai, Lekin Misal-e-Behr Be-Payan Bhi Hai

کيوں گرفتار طلسم ہيچ مقداری ہے تو
ديکھ تو پوشيدہ تجھ ميں شوکت طوفاں بھی ہے

Kyun Giraftar-e-Tilism-e-Haich Maqdari Hai Tu
Dekh To Poushida Tujh Mein Shoukat-e-Toofan Bhi Hai

سينہ ہے تيرا اميں اس کے پيام ناز کا
جو نظام دہر ميں پيدا بھی ہے ، پنہاں بھی ہے

Seena Hai Tera Amen Uss Ke Payam-e-Naaz Ka
Jo Nazam-e-Dehr Mein Paida Bhi Hai, Pinhan Bhi Hai

ہفت کشور جس سے ہو تسخير بے تيغ و تفنگ
تو اگر سمجھے تو تيرے پاس وہ ساماں بھی ہے

Haft Kishor Jis Se Ho Taskheer Be-Taigh-o-Tafnang
Tu Agar Samjhe To Tere Paas Woh Saman Bhi Hai

اب تلک شاہد ہے جس پر کوہ فاراں کا سکوت
اے تغافل پيشہ! تجھ کو ياد وہ پيماں بھی ہے ؟

Ab Talak Shahid Hai Jis Par Koh-e-Faran Ka Sukoot
Ae Taghafil Paisha! Tujh Ko Yaad Woh Paiman Bhi Hai?

تو ہي ناداں چند کليوں پر قناعت کر گيا
ورنہ گلشن ميں علاج تنگی داماں بھی ہے

Tu Hi Nadaan Chand Kaliyon Par Qinaat Kar Gya
Warna Gulshan Mein Alaj-e-Tangi-e-Damaan Bhi Hai

دل کی کيفيت ہے پيدا پردۂ تقرير ميں
کسوت مينا ميں مے مستور بھی ، عرياں بھی ہے

Dil Ki Kaifiat Hai Paida Parda-e-Taqreer Mein
Kiswat-e-Meena Mein Mai Mastoor Bhi, Uryan Bhi Hai

پھونک ڈالا ہے مری آتش نوائی نے مجھے
اورميری زندگانی کا يہی ساماں بھی ہے

Phoonk Dala Hai Meri Aatish-Nawayi Ne Mujhe
Aur Meri Zindagaani Ka Yehi Samaan Bhi Hai

راز اس آتش نوائی کا مرے سينے ميں ديکھ
!جلوہ تقدير ميرے دل کے آئينے ميں ديکھ

Raaz Iss Aatish Nawai Ka Mere Seene Mein Dekh
Jalwa-e-Taqdeer Mere Dil Ke Aaeene Mein Dekh!

آسماں ہوگا سحر کے نور سے آئينہ پوش
اور ظلمت رات کی سيماب پا ہو جائے گی

Aasman Ho Ga Sehar Ke Noor Se Aaeena Posh
Aur Zulmat Raat Ki Seemab Pa Ho Jaye Gi

اس قدر ہوگی ترنم آفريں باد بہار
نکہت خوابيدہ غنچے کی نوا ہو جائے گی

Iss Qadar Ho Gi Tarannum Aafreen Baad-e-Bahar
Nukhat-e-Khawabeeda Ghunche Ki Nawa Ho Jaye Gi

آمليں گے سينہ چاکان چمن سے سينہ چاک
بزم گل کی ہم نفس باد صبا ہو جائے گی

Aa Milain Ge Seena Chakaan-e-Chaman Se Seena Chaak
Bazm-e-Gul Ki Hum-Nafas Baad-e-Saba Ho Jaye Gi

شبنم افشانی مری پيدا کرے گی سوز و ساز
اس چمن کی ہر کلی درد آشنا ہو جائے گی

Shabnam Afshani Meri Paida Kare Gi Souz-o-Saaz
Iss Chamanki Har Kali Dard Ashna Ho Jaye Gi

ديکھ لو گے سطوت رفتار دريا کا مآل
موج مضطر ہی اسے زنجير پا ہو جائے گی

Dekh Lo Ge Sitwat-e-Raftar-e-Darya Ka Ma’al
Mouj-e-Muztar  Hi Isse Zanjeer Pa Ho Jaye Gi

پھر دلوں کو ياد آ جائے گا پيغام سجود
پھر جبيں خاک حرم سے آشنا ہو جائے گی

Phir Dilon Ko Yaad Aa Jaye Ga Paigham-e-Sujood
Phir Jabeen Khak-e-Haram Se Aashna Ho Jaye Gi

نالۂ صياد سے ہوں گے نوا ساماں طيور
خون گلچيں سے کلی رنگيں قبا ہو جائے گی

Nala-e-Sayyad Se Hon Ge Nawa Saman-e-Tayoor
Khoon-e-Gulcheen Se Kali Rangeen Qaba Ho Jaye Gi

آنکھ جو کچھ ديکھتی ہے ، لب پہ آ سکتا نہيں
محو حيرت ہوں کہ دنيا کيا سے کيا ہو جائے گی

Ankh Jo Kuch Dekhti Hai, Lab Pe Aa Sakta Nahin
Mehw-e-Hairat Hun Ke Dunya Kya Se Kya Ho Jaye Gi

شب گريزاں ہو گی آخر جلوہ خورشيد سے
يہ چمن معمور ہوگا نغمہ توحيد سے

Shab Gurezan Ho Gi Akhir Jalwa-e-Khursheed Se
Ye Chaman Maamoor Ho Ga Naghma-e-Touheed Se

Gurrah-e-Shawwal Ya Hilal-e-Eid- Bang-e-Dara | Allama Iqbal Poetry | غرۂٔ شوال يا ہلال عيد

Khatab Ba Jawanan-e-Islam- Bang-e-Dara | Allama Iqbal Poetry | خطاب بہ جوانان اسلام