ذرہ ذرہ دہر کا زندانیِ تقدير ہے
پردۂ مجبوری و بے چارگی تدبير ہے

Zarra Zarra Dehr Ka Zindaani-e-Taqdeer Hai
Parda-e-Majboor-o-Bechargi Tadbeer Hai

آسماں مجبور ہے، شمس و قمر مجبور ہيں
انجمِ سيماب پا رفتار پر مجبور ہيں

Asaman Majboor Hai, Shamas-o-Qamar Majboor Hain
Anjum-e-Seemab Pa Raftar Par Majboor Hai

ہے شکست انجام غنچے کا سبو گلزار ميں
سبزہ و گل بھی ہيں مجبورِ نمو گلزار ميں

Hai Shikast Anjam Ghunche Ka Saboo Gulzar Mein
Sabza-o-Gul Bhi Hain Majboor-e-Namoo Gulzar Mein

نغمۂ بلبل ہو يا آوازِ خاموشِ ضمير
ہے اسی زنجيرِعالم گير ميں ہر شے اسير

Nagma-e-Bulbul Ho Ya Awaz-e-Khamosh-e-Zameer
Hai Issi Zanjeer-e-Alamgeer Mein Har She Aseer

آنکھ پر ہوتا ہے جب يہ سِرِ مجبوری عياں
خشک ہو جاتا ہے دل ميں اشک کا سيلِ رواں

Ankh Par Hota Hai Jab Ye Sirr-e-Majboori Ayan
Khush Ho Jata Hai Dil Mein Ashak Ka Seel-e-Rawan

قلبِ انسانی ميں رقصِ عيش و غم رہتا نہيں
نغمہ رہ جاتا ہے ، لطفِ زيروبم رہتا نہيں

Qalb-e-Insani Mein Raqs-e-Aysh-o-Gham Rehta Nahin
Naghma Reh Jata Hai, Lutf-e-Zair-o-Bam Rehta Nahin

علم و حکمت رہزنِ سامانِ اشک و آہ ہے
يعنی اک الماس کا ٹکڑا دلِ آگاہ ہے

Ilm-o-Hikmat Rahzan-e-Saman-e-Ashak-o-Aah Hai
Yani Ek Almas Ka Tukra Dil Agah Hai

گرچہ ميرے باغ ميں شبنم کی شادابی نہيں
آنکھ ميری مايہ دارِ اشکِ عنابی نہيں

Garche Mere Bagh Mein Shabnam Ki Shadabi Nahin
Ankh Meri Mayadaar-e-Ashak-e-Unnabi Nahin

جانتا ہوں آہ ، ميں آلامِ انسانی کا راز
ہے نوائے شکوہ سے خالی مری فطرت کا ساز

Janta Hun Aah, Main Aalaam Insane Ka Raaz
Hai Nawaye Shikwah Se Khali Meri Fitrat Ka Saaz

ميرے لب پر قصۂ نيرنگیِ دَوراں نہيں
دل مرا حيراں نہيں، خنداں نہيں، گِرياں نہيں

Mere Lab Par Qissa-e-Nairangi-e-Douran Nahin
Dil Mera Heeran Nahin, Khandan Nahin, Giryan Nahin

پر تری تصوير قاصد گريۂ پيہم کی ہے
آہ! يہ ترديد ميری حکمتِ محکم کی ہے

Par Teri Tasveer Qasid Girya-e-Peham Ki Hai
Aah! Ye Tardeed Meri Hikmat-e-Muhkam Ki Hai

گريۂ سرشار سے بنيادِ جاں پائندہ ہے
درد کے عرفاں سے عقلِ سنگدل شرمندہ ہے

Girya-e-Sarshaar Se Bunyad-e-Jaan Paeenda Hai
Dard Ke Irfan Se Aqal-e-Sangdil Sharminda Hai

موجِ دُودِ آہ سے آئينہ ہے روشن مرا
گنجِ آب آورد سے معمور ہے دامن مرا

Mouj-e-Dood-e-Aah Se Aaeena Hai Roshan Mera
Gunj-e-Aab Award Se Maamoor Hai Daman Mera

حيرتی ہوں ميں تری تصوير کے اعجاز کا
رخ بدل ڈالا ہے جس نے وقت کی پرواز کا

Hairati Hun Mein Teri Tasveer Ke Ijaz Ka
Rukh Badal Dala Hai Jis Ne Waqt Ki Parwaz Ka

رفتہ و حاضر کو گويا پا بپا اس نے کيا
عہدِ طفلی سے مجھے پھر آشنا اس نے کيا

Rafta-o-Hazir Ko Goya Pa Bapa Iss Ne Kiya
Ehd-e-Tifli Se Mujhe Phir Ashna Iss Ne Kiya

جب ترے دامن ميں پلتی تھی وہ جانِ ناتواں
بات سے اچھی طرح محرم نہ تھی جس کی زباں

Jab Tere Daman Mein Palti Thi Woh Jaan-e-Natwan
Baat Se Achi Tarah Mehram Na Thi Jis Ki Zuban

اور اب چرچے ہيں جس کی شوخیِ گفتار کے
بے بہا موتی ہيں جس کی چشمِ گوہربار کے

Aur Ab Charche Hain Jis Ki Shoukhi-e-Guftar Ke
Be-Baha Moti Hain Jis Ki Chashm-e-Gohar Baar Ke

علم کی سنجيدہ گفتاری، بڑھاپے کا شعور
دنيوی اعزاز کی شوکت، جوانی کا غرور

Ilm Ki Sanjeeda Guftari, Barhape Ka Shaur
Dunyavi Izaz Ki Shoukat, Jawani Ka Gharoor

زندگی کی اَوج گاہوں سے اتر آتے ہيں ہم
صحبتِ مادر ميں طفلِ سادہ رہ جاتے ہيں ہم

Zindagi Ki Auj-Gahon Se Uter Ate Hain Hum
Sohbat-e-Madir Mein Tifl-e-Sada Reh Jate Hain Hum

بے تکلّف خندہ زن ہيں، فکر سے آزاد ہيں
پھر اسی کھوئے ہوئے فردوس ميں آباد ہيں

Be Takaluf  Khandazan Hain, Fikr Se Azad Hain
Phir Ussi Khoye Huwe Firdous Mein Abad Hain

کس کو اب ہوگا وطن ميں آہ! ميرا انتظار
کون ميرا خط نہ آنے سے رہے گا بے قرار

Kis Ko Ab Ho Ga Watan Mein Aah! Mera Intizar
Kon Mera Khat Na Ane Se Rahe Ga Be-Qarar

خاکِ مرقد پر تری لے کر يہ فرياد آؤں گا
اب دعائے نيم شب ميں کس کوميں ياد آؤں گا

Khak-e-Marqad Par Teri Le Kar Ye Faryad Aun Ga
Ab Duaye Neem Shab Mein Kis Ko Main Yaad Aun Ga

تربيت سے تيری ميں انجم کا ہم قسمت ہوا
گھر مرے اجداد کا سرمايۂ عزت ہوا

Tarbiat Se Teri Main Anjum Ka Hum-Qismat Huwa
Ghar Mere Ajdad Ka Sarmaya-e-Izzat Huwa

دفترِ ہستی ميں تھی زرّيں ورق تيری حيات
تھی سراپا ديں و دنيا کا سبق تيری حيات

Woh Jawan, Qamat Mein Hai Jo Soorat-e-Sarv-e-Buland
Teri Khidmat Se Huwa Jo Mujh Se Barh Kar Behramand

کاروبارِ زندگانی ميں وہ ہم پہلو مرا
وہ محبت ميں تری تصوير، وہ بازو مرا

Karobar-e-Zindagaani Mein Woh Hum Pehlu Mera
Woh Mohabbat Mein Teri Tasveer, Woh Bazoo Mera

تجھ کو مثلِ طفلکِ بے دست و پا روتا ہے وہ
صبر سے ناآشنا صبح و مسا روتا ہے وہ

Tujh Ko  Misl-e-Tiflak-e-Be Dast-o-Paa Rota Hai Woh
Sabr Se Na Ashna Subah-o-Masa Rota Hai Woh

تخم جس کا تو ہماری کِشتِ جاں ميں بو گئی
شرکتِ غم سے وہ الفت اور محکم ہوگئی

Tukhm Jis Ka Tu Humari Kisht-e-Jaan Mein Bo Gyi
Shirkat-e-Gham Se Woh Ulfat Aur Mohkam Ho Gyi

آہ! يہ دنيا ، يہ ماتم خانۂ برنا و پير
آدمی ہے کس طلسمِ دوش و فردا ميں اسير

Aah! Ye Dunya, Ye Matam Khana-e-Barna-o-Peer
Admi Hai Kis Tilism-e-Dosh-o-Farda Mein Aseer

کتنی مشکل زندگی ہے، کس قدر آساں ہے موت
گلشنِ ہستی ميں مانندِ نسيم ارزاں ہے موت

Kitni Mushkil Zindagi Hai, Kis Qadar Asan Hai Mout
Gulshan-e-Hasti Mein Manind-e-Naseem Arzan Hai Mout

زلزلے ہيں، بجلياں ہيں، قحط ہيں، آلام ہيں
کيسی کيسی دخترانِ مادرِ ايّام ہيں

Zalzale Hain, Bijlian Hain, Qeht Hain, Aalaam Hain
Kaisi Kaisi Dukhtaran-e-Madar-e-Ayyam Hain

کلبۂ افلاس ميں، دولت کے کاشانے ميں موت
دشت و در ميں، شہر ميں، گلشن ميں، ويرانے ميں موت

Kulba-e-Aflaas Mein, Doulat Ke Kashane Mein Mout
Dasht-o-Dar Mein, Shehar Mein, Gulshan Mein, Weerane Mein Mout

موت ہے ہنگامہ آرا قُلزُمِ خاموش ميں
ڈوب جاتے ہيں سفينے موج کی آغوش ميں

Mout Hai Hangama Aara Qulzum-e-Khamosh Mein
Doob Jate Hain Safeene Mouj Ki Aghosh Mein

نَے مجال شکوہ ہے، نے طاقتِ گفتار ہے
زندگانی کيا ہے ، اک طوقِ گلُو افشار ہے

Ne Majal-e-Shikwah Hai, Ne Taqat-e-Guftar Hai
Zindagaani Kya Hai, Ek Tauk-e-Guloo Afshar Hai

قافلے ميں غيرِ فريادِ درا کچھ بھی نہيں
اک متاعِ ديدۂ تر کے سوا کچھ بھی نہيں

Qafle Mein Ghair-e-Faryad-e-Dra Kuch Bhi Nahin
Ek Mataa-e-Deeda-e-Tar Ke Siwa Kuch Bhi Nahin

ختم ہو جائے گا ليکن امتحاں کا دَور بھی
ہيں پسِ نُہ پردۂ گردُوں ابھی دَوراور بھی

Khatam Ho Jaye Ga Lekin Imtihaan Ka Dour Bhi
Hain Pas-e-Nuh Parda-e-Gardoon Abhi Dour Aur Bhi

سينہ چاک اس گلستاں ميں لالہ و گل ہيں تو کيا
نالہ و فرياد پر مجبور بلبل ہيں تو کيا

Seena Chaak Iss Gulistan Mein Lala-o-Gul Hain To Kya
Nala-o-Faryad Par Majboor Bulbul Hain To Kya

جھاڑياں، جن کے قفس ميں قيد ہے آہِ خزاں
سبز کر دے گی انھيں بادِ بہارِ جاوِداں

Jhariyan, Jin Ke Qafas Mein Qaid Hai Aah-e-Khazan
Sabz Kar De Gi Unhain Baad-e-Bahar-e-Javidan

خُفتہ خاکِ پے سِپر ميں ہے شرار اپنا تو کيا
عارضی محمل ہے يہ مُشتِ غبار اپنا تو کيا

Khufta Khak-e-Pay Sipr Mein Hai Sharar Apna To Kya
Aarzi Mehmil Hai Ye Musht-e-Ghubar Apna To Kya

زندگی کی آگ کا انجام خاکستر نہيں
ٹوٹنا جس کا مقدّر ہو يہ وہ گوہر نہيں

Zindagi Ki Aag Ka Anjaam Khakstar Nahin
Tootna Jis Ka Muqaddar Ho Ye Woh Gohar Nahin

زندگی محبوب ايسی ديدۂ قدرت ميں ہے
ذوقِ حفظِ زندگی ہر چيز کی فطرت ميں ہے

Zindagi Mehboob Aesi Dida-e-Qudrat Mein Hai
Zauq-e-Hifz-e-Zindagi Har Cheez Ki Fitrat Mein Hai

موت کے ہاتھوں سے مٹ سکتا اگر نقشِ حيات
عام يوں اس کو نہ کر ديتا نظامِ کائنات

Mout Ke Hathon Se Mit Sakta Agar Naqsh-e-Hayat
Aam Yun Iss Ko Na Kar Deta Nazam-e-Kainat

ہے اگر ارزاں تو يہ سمجھو اجل کچھ بھی نہيں
جس طرح سونے سے جينے ميں خلل کچھ بھی نہيں

Hai Agar Arzan To Samjho Ajal Kuch Bhi Nahin
Jis Tarah Sone Se Jeene Mein Khalal Kuch Bhi Nahin

آہ غافل! موت کا رازِ نہاں کچھ اور ہے
نقش کی ناپائداری سے عياں کچھ اور ہے

Ah Ghafil! Mout Ka Raaz-e-Nihan Kuch Aur Hai
Naqsh Ki Na-Paedari Se Ayan Kuch Aur Hai

جنّتِ نظّارہ ہے نقش ہوا بالائے آب
موجِ مضطر توڑ کر تعمير کرتی ہے حباب

Jannat Nazzar Hai Naqsh-e-Hawa Balaye Aab
Mouj-e-Muztar Torh Kar Tameer Kari Hai Habab

موج کے دامن ميں پھر اس کو چھپا ديتی ہے يہ
کتني بيدردی سے نقش اپنا مٹا ديتی ہے يہ

Mouj Ke Daman Mein Phir Uss Ko Chupa Deti Hai Ye
Kitni Baidardi Se Naqsh Apna Mita Deti Hai Ye

پھر نہ کر سکتی حباب اپنا اگر پيدا ہوا
توڑنے ميں اس کے يوں ہوتی نہ بے پروا ہوا

Phir Na Kar Sakti Habab Apna Agar Paida Huwa
Torne Mein Uss Ke Yun Hoti Na Be-Parwa Huwa

اس روش کا کيا اثر ہے ہئیتِ تعمير پر
يہ تو حُجّت ہے ہوا کی قوتِ تعمير پر

Iss Rawish Ka Kya Asar Hai Heeyat-e-Tameer Par
Ye To Hujjat Hai Hawa Ki Quwwat-e-Tameeer Par

فطرتِ ہستی شہيدِ آرزو رہتی نہ ہو
خوب تر پيکر کی اس کو جستجو رہتی نہ ہو

Fitrat-e-Hasti Shaheed-e-Arzu Rehti Na Ho
Khoob Tar Paikar Ki Iss Ko Justujoo Rehti Na Ho

آہ سيمابِ پريشاں ، انجمِ گردوں فروز
شوخ يہ چنگارياں ، ممنونِ شب ہے جن کا سوز

Ah Seemab-e-Preshan, Anjum-e-Gardoon Faroz
Shoukh Ye Chingariyan, Mamnoon-e-Shab Hai Jin Ka Souz

عقل جس سے سر بہ زانو ہے وہ مدّت ان کی ہے
سرگزشتِ نوع انساں ايک ساعت ان کی ہے

Aqal Jis Se Sar Ba Zanu Hai Woh Muddat Un Ki Hai
Sargazisht-e-Nu-e-Insan Aik Saa’at In Ki Hai

پھر يہ انساں، آں سوئے افلاک ہے جس کی نظر
قُدسيوں سے بھی مقاصد ميں ہے جو پاکيزہ تر

Phir Ye Insan, Aan Sooye Aflaak Hai Jis Ki Nazar
Qudsiyon Se Bhi Maqasid Mein Hai Jo Pakeeza Tar

جو مثالِ شمع روشن محفلِ قدرت ميں ہے
آسماں اک نقطہ جس کی وسعتِ فطرت ميں ہے

Jo Misal-e-Shama Roshan Mehfil-e-Qudrat Mein Hai
Saman Ek Nukta Jis Ki Wusaat-e-Fitrat Mein Hai

جس کی نادانی صداقت کے ليے بيتاب ہے
جس کا ناخن سازِ ہستی کے ليے مِضراب ہے

Jis Ki Nadani Sadaqat Ke Liye Betaab Hai
Jis Ka Nakhun Saaz-e-Hasti Ke Liye Mizraab Hai

شعلہ يہ کمتر ہے گردوں کے شراروں سے بھی کيا
کم بہا ہے آفتاب اپنا ستاروں سے بھی کيا

Shaola Ye Kamtar Hai Gadroon Ke Shararon Se Bhi Kya
Kama Baha Hai Aftab Apna Sitaron Se Bhi Kya

تخمِ گل کی آنکھ زيرِ خاک بھی بے خواب ہے
کس قدر نشوونما کے واسطے بے تاب ہے

Tukhm-e-Gul Ki Ankh Zair-e-Khak Bhi Be-Khawab Hai
Kis Qadar Nashonama Ke Waste Be-Taab Hai

زندگی کا شعلہ اس دانے ميں جو مستور ہے
خود نمائی ، خودفزائی کے ليے مجبور ہے

Zindagi Ka Shaola Iss Dane Mein Jo Mastoor Hai
Khudnumayi, Khudfazai Ke Liye Majboor Hai

سردیِ مرقد سے بھی افسردہ ہو سکتا نہيں
خاک ميں دب کر بھی اپنا سوز کھو سکتا نہيں

Sardi-e-Marqad Se Bhi Afsurda Ho Sakta Nahin
Khak Mein Dab Kar Bhi Apna Souz Kho Sakta Nahin

پھول بن کر اپنی تربت سے نکل آتا ہے يہ
موت سے گويا قبائے زندگی پاتا ہے يہ

Phool Ban Kar Apni Turbat Se Nikl Ata Hai Ye
Mout Se Goya Qabaye Zindagi Pata Hai Ye

ہے لحد اس قوتِ آشُفتہ کی شيرازہ بند
ڈالتی ہے گردنِ گردُوں ميں جو اپنی کمند

Hai Lehad Uss Quwwat-e-Aashufta Ki Sheeraza Band
Dalti Hai Gardan-e-Gardoon Mein Jo Apne Kumand

موت، تجديدِ مذاقِ زندگی کا نام ہے
خواب کے پردے ميں بيداری کا اک پيغام ہے

Mout, Tajdeed-e-Mazaq-e-Zindagi Ka Naam Hai
Khawab Ke Parde Mein Baidari Ka Ek Paigham Hai

خوگرِ پرواز کو پرواز ميں ڈر کچھ نہيں
موت اس گلشن ميں جُز سنجيدنِ پَر کچھ نہيں

Khugar-e-Parwaz Ko Parwaz Mein Dar Kuch Nahin
Mout Iss Gulshan Mein Juz Sanjeedan-e-Par Kuch Nahin

کہتے ہيں اہلِ جہاں دردِ اجل ہے لا دوا
زخمِ فرقت وقت کے مرہم سے پاتا ہے شفا

Kehte Hain Ahl-e-Jahan Dard-e-Ajal Hai La Dawa
Zakham-e-Furqat Waqt Ke Marham Se Pata Hai Shafa

دل مگر ، غم مرنے والوں کا جہاں آباد ہے
حلقۂ زنجير صبح و شام سے آزاد ہے

Dil Magar, Ghum Merne Walon Ka Jahan Abad Hai
Halqa-e-Zanjeer-e-Subah-o-Shaam Se Azad Hai

وقت کے افسُوں سے تھمتا نالۂ ماتم نہيں
وقت زخمِ تيغِ فرقت کا کوئی مرہم نہيں

Waqt Ke Afsoon Se Thamta Nala-e-Matam Nahin
Waqt Zakhm-e-Taigh-e-Furqat Ka Koi Marham Nahin

سر پہ آجاتی ہے جب کوئی مصيبت ناگہاں
اشک پيہم ديدۂ انساں سے ہوتے ہيں رواں

Sar Pe Aa Jati Hai Jab Koi Musibat Nagahan
Ashak-e-Peham Dida-e-Insan Se Hote Hain Rawan

ربط ہو جاتا ہے دل کو نالہ و فرياد سے
خونِ دل بہتا ہے آنکھوں کی سرشک آباد سے

Rabt Ho Jata Hai Dil Ko Nala-o-Faryad Se
Khoon-e-Dil Behta Hai Ankhon Ki Sarshak Abad Se

آدمی تابِ شکيبائی سے گو محروم ہے
اس کی فطرت ميں يہ اک احساسِ نامعلوم ہے

Admi Taab-e-Shikeebai Se Go Mehroom Hai
Iss Ki Fitrat Mein Ye Ek Ehsas-e-Namaloom Hai

جوہرِ انساں عدم سے آشنا ہوتا نہيں
آنکھ سے غائب تو ہوتا ہے فنا ہوتا نہيں

Jouhar-e-Insan Adam Se Ashna Hota Nahin
Ankh Se Ghaeeb To Hota Hai Fana Hota Nahin

رختِ ہستی خاک، غم کی شعلہ افشانی سے ہے
سرد يہ آگ اس لطيف احساس کے پانی سے ہے

Rakht-e-Hasti Khak, Gham Ki Shaola Afshani Se Hai
Sard Ye Aag Iss Lateef Ehsas Ke Pani Se Hai

آہ، يہ ضبطِ فغاں غفلت کی خاموشی نہيں
آگہی ہے يہ دل آسائی، فراموشی نہيں

Ah, Ye Zabt-e-Faghan Ghaflat Ki Khamoshi Nahin
Aa Gahi Hai Ye Dil Aasayi, Faramoshi Nahin

پردۂ مشرق سے جس دم جلوہ گر ہوتی ہے صبح
داغ شب کا دامنِ آفاق سے دھوتی ہے صبح

Parda-e-Mashriq Se Jis Dam Jalwagar Hoti Hai Subah
Dagh Shab Ka Daman-e-Afaq Se Dhoti Hai Subah

لالۂ افسردہ کو آتش قبا کرتی ہے يہ
بے زباں طائر کو سرمستِ نوا کرتی ہے يہ

Lala-e-Afsurda Ko Atish Qaba Karti Hai Ye
Be-Zuban Taeer Ko Sarmast-e-Nawa Karti Hai Ye

سينۂ بلبل کے زِنداں سے سرود آزاد ہے
سينکڑوں نغموں سے باد صج دم آباد ہے

Seena-e-Bulbul Ke Zindan Se Surood Azad Hai
Saikhron Naghmon Se Baad-e-Subahdam Abad Hai

خفتگانِ لالہ زار و کوہسار و رُودباد
ہوتے ہيں آخر عروسِ زندگی سے ہمکنار

Khuftagan-e-Lala Zaar -o-Kuhsar-o-Roodbar
Hote Hain Akhir Uroos-e-Zindagi Se Humkinar

يہ اگر آئينِ ہستی ہے کہ ہو ہر شام صبح
مرقدِ انساں کی شب کا کيوں نہ ہو انجام صبح

Ye Agar Aaeen-e-Hasti Hai Ke Ho Har Shaam Subah
Marqad-e-Insaan Ki Shab Ka Kyun Na Ho Anjaam Subah

دامِ سيمينِ تخيل ہے مرا آفاق گير
کر ليا ہے جس سے تيری ياد کو ميں نے اسير

Daam-e-Seemeen-e-Takhiyul Hai Mera Afaqgeer
Kar Liya Hai Jis Se Teri Yaad Ko Main Ne Aseer

ياد سے تيری دلِ درد آشنا معمور ہے
جيسے کعبے ميں دعاؤں سے فضا معمور ہے

Yaad Se Teri Dil Dard Ashna Mamoor Hai
Kaise Kaabe Mein Duaon Se Faza Maamoor Hai

وہ فرائض کا تسلسل نام ہے جس کا حيات
جلوہ گاہيں اس کی ہيں لاکھوں جہانِ بے ثبات

Woh Faraeez Ka Taslsul Naam Hai Jis Ka Hayat
Jalwah Gahain Uss Ki Hai Lakhon Jahan-e-Be-Sabat

مختلف ہر منزلِ ہستی کی رسم و راہ ہے
آخرت بھی زندگی کی ايک جَولاں گاہ ہے

Mukhtalif Har Manzil-e-Hasti Ki Rasm-o-Rah Hai
Akhrat Bhi Zindagi Ki Aik Joulangah Hai

ہے وہاں بے حاصلی کِشتِ اجل کے واسطے
ساز گار آب و ہوا تخمِ عمل کے واسطے

Hai Wahan Be-Hasili Kisht-e-Ajal Ke Waste
Saazgar Aab-o-Hawa Tukhm-e-Amal Ke Waste

نورِ فطرت ظلمتِ پيکر کا زِندانی نہيں
تنگ ايسا حلقۂ افکارِ انسانی نہيں

Noor-e-Fitrat Zulmat-e-Pekar Ka Zindaani Nahin
Tang Aesa Halqa-e-Afkaar-e-Insaani Nahin

زندگانی تھی تری مہتاب سے تابندہ تر
خوب تر تھا صبح کے تارے سے بھی تيرا سفر

Zindagaani Thi Teri Mehtaab Se Tabinda Tar
Khoob Tar Tha Subah Ke Tare Se Bhi Tera Safar

مثل ايوانِ سحر مرقد فروزاں ہو ترا
نور سے معمور يہ خاکی شبستاں ہو ترا

Misl-e-Aewan-e-Sehar Marqad Furozan Ho Tera
Noor Se Maamoor Ye Khaki Shabisan Ho Tera

آسماں تيری لحَد پر شبنم افشانی کرے
سبزۂ نورستہ اس گھر کی نگہبانی کرے